Iʻa Iviivia(composed by Dr. Grant Muāgututiʻa) | |
E oso muamua, le lā i le Faleʻula |
The sun rises first at Faleʻula |
Le tai samasama, a le Tui Manuʻa |
The yellow tinted sea of the King of Manuʻa |
Le lāʻau na amotasi, Faʻatui o le Motu |
The tree that was carried alone, King of the Island |
Tulouna ʻOfu, Olosega ma Taʻū |
Greetings to you ʻOfu, Olosega, and Taʻū |
Matafao ma ʻAlava, ʻo mauga peleina |
Matafao and ʻAlava, cherished mountains |
E matagōfie ai, le motu o Tutuila |
The beauty of the island of Tutuila |
Fofō ma Aitūlagi, Sua ma le Vaifanua |
(Names of districts on Tutuila) |
Itūʻau ma Alātaua, Sāʻole Launiu Sāelua |
(Names of districts on Tutuila) |
ʻUpolu loʻu laumua, alaalafaga o Tumua |
ʻUpolu, the capital, home of the Tumua |
E āfifio mai ai, Tuiāʻana Tuiātua |
Origin of the Tuiāʻana and Tuiātua |
ʻĀigailetai, Manono ma ʻApolima |
The islands of Manono and ʻApolima |
ʻO lou lālelei, e lē faʻaluaina |
Your beauty cannot be duplicated |
E lē galo Puleono, motu o Salāfai |
We cannot forget Puleono, the island of Salāfai |
Le mālosi o Savaiʻi, ʻo le motu o tautai |
The strength of Savaiʻi, the island of navigators |
E matapala i folauga, le tai ʻula o Nāfanua |
Seasoned voyagers, on the red sea of Nāfanua |
ʻUa ʻāinā ai motu, motu ʻuma o Polenisia |
Populating the islands of Polynesia |
Tali: |
Chorus: |
Sāmoa e, ‘o ‘oe ‘o le iʻa e iviivia |
Sāmoa, you are a fish with many bones |
Mai le vavau ou sā ma ou pa’ia |
Your dignity from time immemorial |
Le faʻaaloalo, le fealofani, ʻia faʻamuamua |
Respect, harmony, is paramount |
Si ou ʻeleʻele ʻua foaʻiina e le Atua |
Our land gifted from God |
Si aʻu pele ʻo Sāmoa, faʻafoa e Tagaloa |
My dear Sāmoa, propagated by Tagaloa |
Penina o le Pasefika, Fatu o Polenisia |
Pearl of the Pacific, Heart of Polynesia |
Laʻu lupe o le foaga, ʻo ʻoe ʻo loʻu tupuʻaga |
The dove of the forest, my heritage |
ʻIa ola pea lau gagana, lau aganuʻu faʻatausala | Long live your language, your culture, your dignity |